30. og 31. oktober 
Scandic Parken Ålesund

 

 

Bomullsbarna  

Barnehagen si rolle i å danne robuste barn i ei verd av bomull. 

I ei tid der tryggleik og tilrettelegging ofte står i sentrum i barna sin oppvekst har omgrepet "bomullsbarn" fått auka merksemd. Begrepet refererer til barn som har blitt pakka inn i bomull av omsorgspersonar på måtar som skadar barna. Blir dei overbeskytta i slik grad at dei mister moglegheit til ei sunn utvikling med robustheit og meistringskjensle? Forsking  peikar på at risikoleik og friluftsliv der barn får utforske grenser og utfordre seg sjølv i trygge rammer, kan vere ein nøkkel til å byggje robuste barn. Dette vil gjere dei betre rusta til å handtere motgang og stress i ulike situasjonar. Psykisk helse og livsmeistring heng tett saman med korleis barn lærer å møte og meistre utfordringar tidleg i livet. Gode relasjonar og eit velfungerande foreldresamarbeid i barnehagen spelar ei avgjerande rolle. Gjennom ein balanse mellom vern og fridom kan  barnehagelæraren leggje til rette for ei sunn utvikling der barna får styrka si mentale helse og meistringskjensle. 

Rapportane frå tilskotsordningane syner at barnehagane i Møre og Romsdal arbeider med livsmeistring og psykisk helse. Vi håpar at Barnehagekonferansen 2025 vil vere eit bidrag i dette arbeidet.