Årets Barnehagekonferanse vert arrangert på Scandic Parken Hotell i Ålesund 14. – 15. november.

Konferansen er eit samarbeid mellom Statsforvaltaren i Møre og Romsdal, Høgskulen i Volda og

Utdanningsforbundet Møre og Romsdal.

​

Vi har spanande og viktige tema på årets konferanse og vonar å sjå deg der.

Hugs å melde deg på her om du vil ta del på haustens store happening.

Påmeldingsfrist er 30.09.23

​

Omgrepet berekraft karakteriserer økonomiske, sosiale, institusjonelle og miljømessige sider ved menneskelege samfunn. Berekrafta blir manifestert gjennom å finne balansen mellom økonomisk vekst, sosial utvikling og miljøvern. Berekraft handlar om mykje meir enn å sortere søppel, det handlar om å ta ansvar for livsstilen vår

no og sikre at vi ikkje øydelegg for framtidige generasjonar.

​

Målet med konferansen er å få fram kva berekraft tyder, kvifor berekraft er sentralt i barnehagen og korleis personalet kan bidra til at barn får erfaring med og medvit om berekraftig utvikling. Barnehagelærar er

avgjerande i dette arbeidet og må difor ha relevant kunnskap og kompetanse for berekraftig utvikling.

​

Ifølgje barnehagen sitt samfunnsmandat skal barnehagen bygge på grunnleggande verdiar som respekt

for menneskeverdet og naturen, og barna skal få utfalde skaparglede, undring og utforskartrang.

Barna skal lære å ta vare på seg sjølv, kvarandre og naturen, og barnehagen har ei viktig oppgåve

i å fremje verdiar, haldningar og praksis for eit berekraftig samfunn.